അനോണി ആന്റണിക്ക് മറുപടി

ഇഞ്ചി:-
പ്രശ്നം, തൊലിവെളുപ്പിനെ പറ്റിയുള്ളത്, ജാതീയതയുമായും അധികം ബന്ധമില്ല എന്ന് തോന്നുന്നു. സായിപ്പിന്റെ തൊലിവെളുപ്പിനു വേണ്ടി ഇതേ ഫെയർനെസ്സ് ക്രീമുകൾ ലാറ്റിൻ അമേരിക്കയിലും ആഫ്രിക്കയിലും ഇതേ അളവിൽ വിൽക്കപ്പെടുന്നുണ്ട്. സായിപ്പിന്റെ ഗോൾഡൻ ഹെയറിനു വേണ്ടി തലമുടി ഇവിടെയെല്ലാം ബ്ലീച്ച് ചെയ്യപ്പെടുന്നുണ്ട്. അതേ സമയം ബ്രൌണിഷ് ടാൻ കിട്ടാൻ വേണ്ടി സായിപ്പ് ഉള്ള ക്രീം എല്ലാം തേച്ച് നട്ടുച്ച വെയിലിലും കിടക്കുന്നു അല്ലെങ്കിൽ സോണ പോലെയുള്ള സംഭവങ്ങളിൽ കിടക്കുന്നു. സൌന്ദര്യം വർദ്ധിപ്പിക്കണം എന്നതിലുപരി ഇതിൽ മറ്റെന്തെങ്കിലും ഉണ്ടാവണമെന്നില്ല എന്ന് തന്നെ കരുതുന്നു.

ആന്റണി:-
ഇത് വാസ്തവ വിരുദ്ധമാണ്‌ ഇഞ്ചീ. വ്യക്തമായും അങ്ങനെ അല്ലെന്ന് കാണിച്ചു തരാം

ആന്റണിയുടെ മറുപടി പോസ്റ്റ് ഒരു അരമണിക്കൂർ മുൻപാണ് കണ്ടത്. വാസ്തവ വിരുദ്ധമാണ് എന്ന് ആന്റണി പറയുകയും ആന്റണിക്കു ‘തെളിയിക്കുവാൻ’ വേണ്ടി ആന്റണി രണ്ട് തരം ഗൂഗിൾ സേർച്ച് നടത്തുകയും ചെയ്തതിനു മറുപടി മാത്രമാണീ പോസ്റ്റ്. അല്ലാതെ വെളുക്കാനുള്ള ക്രീമിനുള്ള മാർക്കെറ്റിങ്ങോ അല്ലെങ്കിൽ വെളുത്ത ക്രീം തേക്കണമെന്നോ അല്ലെങ്കിൽ വെളുത്ത തൊലിയുടെ രാഷ്ട്രീയത്തെക്കുറിച്ച് മറന്നതുകൊണ്ടോ അല്ല.

ഇതെഴുതുവാൻ പ്രധാന കാരണം ഗൂഗിൾ ഇപ്പോൾ വലിയ കമന്റുകൾ അനുവദിക്കുന്നില്ല. അല്ലെങ്കിൽ ആന്റണിയുടെ യാതൊരു തെളിവുമില്ലാതെ ‘അഭിപ്രായം’ മാത്രമായി പറയുന്ന പല പോസ്റ്റുകളിൽ ഒരു പോസ്റ്റായി ഇതും അവഗണിച്ചേനെ. പ്രശ്നം എങ്ങിനെ നമ്മൾ ഗൂഗിൾ സേർച്ച് വഴി അല്ലെങ്കിൽ നമുക്ക് വേണ്ടുന്ന കാര്യം മാത്രം കാണുന്നു എന്നതു മാത്രമാണ്. കോസ്മെറ്റിക്ക് ചരിത്രം നോക്കാൻ ലൈബ്രയിൽ പോവാനോ ഒന്നും ഇപ്പോൾ തൽക്കാലം നിർവ്വാഹമില്ല. അതുകൊണ്ട് എനിക്കറിയാവുന്ന ചരിത്രം ചുരുക്കിപ്പറയാം.

ആന്റണി സേർച്ച് ചെയ്തത് ഫെയർനെസ്സ് ക്രീം, ഫെയർനെസ്സ് ക്രീം യു.എസ്.എ (ഇതിൽ യു.എസ്.എ എന്താണ് സാംഗത്യം എന്ന് മനസ്സിലായില്ല). ആ റിസൾട്ടിന്റെ അടിസ്ഥാനത്തിൽ വെച്ച് മാത്രം ഞാൻ പറഞ്ഞത് വാസ്തവിരുദ്ധമാണെന്ന് സ്ഥാപിക്കുകയാണ്. അതിനു നമിക്കാതെ എന്തു ചെയ്യും? ഫെയർനെസ് ക്രീം എന്ന് പറയുന്നത് ഒരു ഇന്ത്യൻ കോമൺ യൂസേജ് വാക്ക് മാത്രമാണ്. skin whitening, skin bleaching എന്നിങ്ങനെ പോകുന്നു അല്ലാതെയുള്ള രാജ്യങ്ങളിൽ അവയ്ക്കുപയോഗിക്കുന്ന പേരുകൾ. ഏറ്റവും വലിയ സ്കിൻ വൈറ്റനിങ്ങ് കോണ്ട്രോവേർസി ആയ മൈക്കൾ ജാക്സണെ ആന്റണി സൌകര്യപൂർവ്വം മറന്നു പോയി എന്നത് വെച്ച് തുടങ്ങാം.

ഇനി ഈ വാക്കുകൾ സേർച്ച് ചെയ്തു നോക്കൂ. skin whitening OR skin bleaching. എവിടെയെത്തി? ആന്റണി പറയുന്ന ഇന്ത്യൻ സൈറ്റുകളിൽ എത്തുന്നുണ്ടോ? അതോ അല്ലാതെയുള്ള സൈറ്റുകളിൽ എത്തുന്നുവോ? ഇനി അതിനോടൊപ്പം ‘skin whitening Africa’ എന്ന് സേർച്ച് ചെയ്യൂ? എവിടെയെത്തി?

ആദ്യം വരുന്ന വിക്കി ആർട്ടികൾ ശ്രദ്ധിച്ചുവോ? ഇനി അതിൽ കുറച്ച് രാജ്യങ്ങളുടെ ചരിത്രം പറയുന്നുണ്ട്. അതിൽ പറയാത്ത ചരിത്രവുമുണ്ട്.

വിക്ടോറിയൻ കാലങ്ങൾ വരെ പൊതുവേ സ്ത്രീകൾക്കും പുരുഷന്മാർക്കും pale skin അല്ലെങ്കിൽ porcelain skin ആയിരുന്നു ഫാഷൻ. ആ സമയങ്ങളിലുള്ള ചരിത്രം വായിക്കണ്ട, മിനിമം കഥാ പുസ്തകങ്ങൾ വായിച്ചാൽ പാലു പോലെ വെളുത്ത തൊലിയെക്കുറിച്ച് പരാമർശിക്കുന്നത് കാണാം. ഒന്നും വേണ്ട, ക്വീൻ എലിസബത്ത് എന്ന സിനിമ കണ്ടാലും മതി. രാജകുടുംബത്തിലെ സ്ത്രീകൾ വയലിൽ പണിയെടുക്കുന്ന സ്ത്രീകൾ പോലെ ഇരുണ്ടതല്ല എന്നതായിരുന്നു അന്നത്തെ ആ പേയിൽ സ്കിനിന്റെ പുറകിൽ ഉണ്ടായിരുന്ന മാനസികാവസ്ഥ. ഇത് യൂറോപ്പിൽ മാത്രമായിരുന്നില്ല. ജപ്പാൻ, ചൈന, മുതൽ ആഫ്രിക്കൻ ട്രൈബുകളിൽ വരെ ഇങ്ങിനെയൊരു വെളുത്ത തൊലി ഭ്രമം ഉണ്ടായിരുന്നതായി കാണാം. ജപ്പാനിലെ സ്ത്രീകൾ അവരുടെ തൊലി മുഴുവൻ വെളുത്ത പെയിന്റ് പോലെ അടിച്ചിരുന്നു. ആഫ്രിക്കൻ സ്ത്രീകൾ ചുവന്ന മണ്ണ് ഉപയോഗിച്ച് തങ്ങളുടെ തൊലിയെ സൂര്യപ്രകാശത്തിൽ നിന്ന് രക്ഷിച്ച് പോന്നിരുന്നു. ക്ലിയോപാത്ര എന്ന ഈജ്യപ്ഷ്യൻ സുന്ദരി പാലിൽ കുളിച്ചിരുന്നു എന്ന് പറയുന്നതു ഇതേ തൊലിപ്പുറത്തെ വെളുപ്പിനോടുള്ള ആഗ്രഹം കൊണ്ടാണ്. കുങ്കുമപ്പൊടി പാലിൽ കലക്കി അറേബ്യൻ സുന്ദരികൾ ഗർഭകാലത്ത് സേവിക്കുന്നത് കുഞ്ഞ് വെളുത്തിരിക്കുവാനാണത്രേ. അതായത് കാലാകാലങ്ങൾ മുതലേ തൊലി വെളുപ്പ് ഒരു സമ്പന്ന ചിഹ്ന്നമായി ലോകമെമ്പാടും കരുതിപ്പോന്നിരുന്നു, ഇപ്പോഴും കരുതുന്നു. അതുകൊണ്ട് ഇതൊരു ഇന്ത്യൻ പ്രതിഭാസമല്ല, അതുകൊണ്ട് തന്നെ അതിനെ മുഴുവനുമായും അനോണി ആന്റണി എഴുതിയതുപോലെ ജാതീയതയുമായി ബന്ധിപ്പിക്കാൻ സാധിക്കില്ല എന്നു മാത്രമേ ഞാൻ പറഞ്ഞുള്ളൂ. (തമാശ അതല്ല, ഇന്ത്യയിലെ സുന്ദരികളെക്കുറിച്ച് അവഗാഹമുള്ള യൂറോപ്പിലോ അമേരിക്കയിലോ ഉള്ളവരോട് ചോദിച്ചാൽ അവർ പറയുന്നത് കൂർഗിലെ വെളുത്ത ആദിവാസി സ്ത്രീകളെക്കുറിച്ചാണ്.) പറഞ്ഞ് വന്നത്, ഇന്ത്യയിൽ ജാതീയമായി വെളുത്ത തൊലിയെ ഏതെങ്കിലും ഒരു ചരടിൽ ബന്ധിപ്പിക്കാമെങ്കിലും, ലോകത്തെമ്പാടുമുള്ളതുപോലെ അതൊരു സമ്പന്നവർഗ്ഗ ചിഹ്നമായായോ ഒരു സൌന്ദര്യവർദ്ധക ഉപാധിയായോ കരുതുന്നു എന്ന് കരുതാനേ എനിക്ക് സാധിക്കുന്നുള്ളൂ.

ഇനി ഞാൻ അനോണി ആന്റണി അല്ലല്ലോ, സാധാരണയായ ഇഞ്ചിപ്പെണ്ണ് അല്ലേ? അതുകൊണ്ട് ഞാൻ പറയുന്നതിനു ലിങ്കുകളുടെ ബലം ഇല്ലെങ്കിൽ ഞാൻ പോലും വിശ്വസിക്കില്ല. അപ്പോൾ ലിങ്കുകൾ ഇല്ലെങ്കിൽ നാട്ട് നടപ്പ് ശരിയാവാത്തതുകൊണ്ട് എനിക്കും ഒന്ന് ഓടിച്ച് സേർച്ചിയതിൽ കിട്ടിയ കുറച്ച് ലിങ്കുകൾ.

1.
Whiteness in Japanese culture
In Japan, the preference for skin that is white and free of blemishes and spots has been around for a long time. There is a proverb that says "The color white will hide the Seven Misfortunes. (For fair-skinned girls, although they may have unattractive spots, they don't stand out.)"

2.
Skin Bleaching, Self-Hate, and Black Identity in Jamaica - ജമൈക്കയിലും മറ്റു കരീബിയനിലും ഈ തൊലിവെളുപ്പ് സംസ്കാരത്തെക്കുറിച്ച് നിരന്തരം പഠനങ്ങൾ നടക്കാറുണ്ട്. അതിൽ നിന്ന് കിട്ടിയ വിവരങ്ങൾ ഇതാണ്.
The Afrocentric view concerning Jamaicans who bleach their skins is that they suffer from self-hate, a result of the lingering psychological scars of slavery. The self-hatred thesis is tested by comparing the self-esteem scores of a small convenience sample of skin bleachers with the scores of a control group. The two groups have almost the same average scores above the median, which indicates that skin bleaching did not occur because of low self-esteem.

3.
Skin whitening has a long history in Asia, stemming back to ancient China and Japan, where the saying "one white covers up three ugliness" was passed through the generations.

In their early bid to lighten up, Chinese ground pearl from seashells into powder and swallowed it to whiten their skin, says Chinese University chemical pathology professor Christopher Lam Wai-kei, while across the Yellow Sea, Geisha girls powdered their faces chalk white.

4.
Skin Deep
Skin-bleaching products were common in the United States among African-Americans during the 1920s and 1930s. Advertisements for creams and ointments such as Bleach and Glow, Plough's Black and White, Artra and Nadinola appeared in black publications. These, like Artra, bluntly advertised that they would offer a change, promising "lighter, lovelier skin." By the 1950s, it was no longer politically correct to advertise "skin-lighteners," and so a more subtle approach was used: Creams and lotions were advertised to help "even the skin tones," "clear complexions," and "help with hyper-pigmentation."

ഇനി ആന്റണി പറയുന്നതുപോലെ ഇങ്ങിനെയുള്ള ക്രീമുകളുടെ ഉള്ളിൽ പതിയിരിക്കുന്ന കെമിക്കലുകൾ പ്രത്യേകിച്ച് മെർക്കുറി പോയിസനിങ്ങ് (ഇത് ഫെയർ ആന്റ് ലവ്ലിയിൽ ഉണ്ടോ എന്ന് എനിക്ക് ഇപ്പോൾ അറിയില്ല, അതിനെക്കുറിച്ച് വിശദമായി പഠിച്ച് ഒരു പോസ്റ്റ് ആരെങ്കിലും ഇടുമെന്ന് കരുതുന്നു)
താഴെയുള്ള ലിങ്കുകൾ ഏതൊക്കെ രാജ്യങ്ങളിൽ ഇത്തരം ക്രീമുകൾ ഉപയോഗിക്കപ്പെടുന്നു എന്നതിനെക്കുറിച്ച് മാത്രമാണ്.

The second clue: In Mexico, as in other countries such as Saudi Arabia and Pakistan, most of the patients with clinical evidence of mercury poisoning were women. Even in the Southwestern Unites States, 96 percent of the more than 300 patients found to have abnormal mercury levels were female.

In every case, clinical questioning revealed that the women had used skin-whitening creams -- many for years. In other words, these women had tried so desperately to whiten their skin color that they had poisoned their bodies by applying mercury-based "beauty creams."


Skin Whitening A Global Practice
Skin lightening products account for nearly half of the cosmetics industry and are in high demand in Asia, Africa and the Caribbean, though the products can often cost $5 a bottle and the chemicals used in them can cause health defects such as scarring of the skin, or even cancer.

ആന്റണി തന്നതുപോലെ ദാണ്ട് മാദ്ധ്യമ ലിങ്ക്.

Tanzania counts cost of 'white skin'

ടൈറാ ബാങ്ക്സ് എന്ന ആഫ്രിക്കൻ അമേരിക്കൻ സിറ്റ് കോമിന്റെ ഒരു ലിങ്കാണിത്. ആഫ്രിക്കൻ അമേരിക്കൻ/ ലാറ്റിൻ അമേരിക്കൻ ടിവി ചാനലുകളിലും അവരുടെ മാഗസിനുകളിലുംമെല്ലാം സ്ഥിരം ഇതിനെക്കുറിച്ച് ചർച്ചയുണ്ടാവാറുണ്ട്.

ഒന്നു കൂടി ഓർമ്മിപ്പിക്കുന്നു: ഇതു വെളുത്ത തൊലി നല്ലതെന്നോ അതിന്റെ രാഷ്ട്രീയത്തെക്കുറിച്ചുള്ളതോ അല്ല പോസ്റ്റ്. നമുക്ക് വേണ്ടുന്ന വിവരങ്ങളിലൂടെ മാത്രം ഗൂഗിൾ സേർച്ചിനെ കൊണ്ട് പോകുന്ന മറിമായത്തെക്കുറിച്ച് മാത്രമാണ്. എന്റെ വിലയേറിയ ഇത്രയും സമയം നഷ്ടപ്പെടുത്തിയ അനോണി ആന്റണിക്ക് നന്ദി. ആന്റണിയുടെ ബാക്കിയുള്ള വാദങ്ങളെക്കുറിച്ച് പിന്നീട് സമയം പോലെ വിശദമായി പോസ്റ്റിടാം, അതിലൊന്നും എനിക്ക് കാര്യമായ എതിർപ്പൊന്നുമില്ല താനും.

ഇനി, ഒരൊറ്റ ചോദ്യം: തലയിൽ ഡൈ തേക്കാത്ത ഒരിക്കലും തേക്കാൻ സാധ്യതയില്ലാത്ത അങ്ങിനെ പ്രതിജഞ എടുത്ത ചേട്ടന്മാർ ഒന്നെഴുന്നേറ്റ് നിൽക്കുക.