തുളസിപ്പൂക്കൾ

വിശേഷങ്ങൾ പറയാൻ ബ്ലോഗ് ഉപയോഗിക്കരുതെന്ന് കുറേ നാളായി പ്രതിജ്ഞ എടുത്തിരുന്നതാണ്. എന്നാലും, വല്ലപ്പോഴും തെറ്റിക്കാനല്ലെങ്കിൽ എന്ത് പ്രതിജ്ഞ എന്നു പോലെ,


പുന്നാര അനിയന്റെ കല്യാണം ആയിരുന്നു. അതുമല്ല വിശേഷം. അതിനു ഫോട്ടോ എടുത്തത്, ഫോട്ടോഗ്രാഫറായി ജനിക്കുകയും മനുഷ്യനായി ജീവിക്കുകയും ചെയ്യുന്ന ഭൂതകാലക്കുളിരിന്റെ പത്രാധിപരാണ്. സൂഫി സംഗീതത്തിന്റേയും ലാറ്റിൻ അമേരിക്കയുടേയും ഇടയിലെ യാത്രകളിലെപ്പോഴെങ്കിലും എവിടെയെങ്കിലും ആ പട്ടം കുരുങ്ങിപ്പോയാലോ എന്നോർത്ത് ഒഫീഷ്യലായി വെക്കാൻ ധൈര്യമുണ്ടായിരുന്നില്ല. പക്ഷെ വിളിച്ച ഉടനേ പറന്നെത്തുകയും, മിഴിവുറ്റ ചിത്രങ്ങൾ എടുക്കുകയും ചെയ്തു. അധികം ഒന്നും സംസാരിക്കാത്ത, കാഴ്ചകളെല്ലാം ഫ്രേമിലൂടെ മാത്രം കാണുന്ന, ചിത്രങ്ങളിൽ ജീവനൂതി ഉണർത്തുന്ന തുളസിപ്പൂക്കളുടെ അനേകം ആരാധകരിൽ ഒരു ഇടം എനിക്കും. (വളരെ പണ്ട് സന്തോഷ് ശിവൻ ഒരു സുഹൃത്തിന്റെ പെങ്ങടെ കല്യാണത്തിനു വന്നു ഫോട്ടോ എടുത്തിരുന്നു, അളു പിന്നീട് വല്യ ഫേമസ് ആയപ്പോൾ സ എന്ന് മിണ്ടിയാൽ എന്റെ സുഹൃത്ത്, ഒ അവൻ എന്റെ പെങ്ങടെ കല്യാണത്തിനു ഫോട്ട് എടുത്തതല്ലേ എന്ന് പറഞ്ഞ് കളയും. അതുപോലെ കുറേ നാൾ കഴിയുമ്പൊ എനിക്കും ഒന്ന് അഹങ്കരിക്കാലോ എന്നോർത്ത് ) :)