പർദ്ദ

വൻ‌മരങ്ങളെ മൂടുന്ന പായലാണ്.

പച്ചപ്പ് മറച്ച് നബി(കൾ) മൂടിക്കെട്ടുമ്പോൾ
അവയിലെ പിടയ്ക്കുന്ന കണ്ണുകൾ
മനുഷ്യരാണെന്നോർമ്മപ്പെടുത്തലിൽ
എത്ര ആയിരത്തൊന്നു രാവുകളാണ്
അലാവുദ്ദീനു നഷ്ടപ്പെടുത്തിയത്.

അവയിലെ വേരുകൾ ആഴ്ന്നിറങ്ങി
എത്ര കടലുകൾ തേടിയാണ് യാത്ര പോയത്
പായൽക്കെട്ടുകൾക്കുള്ളിലെ ഫലങ്ങൾ
എത്ര കിളികളിലാണ് പൊട്ടിമുളച്ചത്
കണ്ണുചിമ്മുന്ന നക്ഷത്രങ്ങളിൽ എത്ര
സുറുമയാണ് രചിക്കപ്പെട്ടത്.

നേദാ സുൽത്താനേ
മരിക്കും മുൻപേ കറുപ്പിൽ മുക്കിയിട്ടും
മരണത്തിൽ ചുവപ്പിക്കുവാൻ നിനക്കായല്ലോ പെണ്ണേ!


for Neda Soltan