ഒരായിരം...

ഈ സൂപ്പര്‍ വാര്‍ത്ത കേട്ടതും ഞാന്‍ ആകെ ട്ടെന്‍ഷന്‍ അടിച്ചു,എന്താ കൊടുക്കാ എന്നു ആലോചിച്ചു ഇവിടാകെ പരതി നടന്നു..
അടുക്കളേല്‍ കേറി നോക്കിയപ്പൊ ഇച്ചിരെ പപ്പടക്കൊണ്ടാട്ടം അല്ലാണ്ടു വേറെ ഒന്നുമില്ല.എങ്ങിനെയാ വിശാലേട്ടനു അതു കൊടുക്കാ, ഒരു സ്റ്റൈല്ലില്ലോ,അതും ഇത്രേം നല്ല സന്തോഷവര്‍ത്തമാനം കേട്ടിട്ടു നീ ഇതാണോടീ‍ കൊടുത്തെ എന്നു ആരെങ്കിലും.... എന്നാലും നമ്മുടെ വിശാലേട്ടന്‍ അല്ലെ,പപ്പടക്കൊണ്ടാട്ടം പോലെ തന്നെയെല്ലെ വിശാലേട്ടന്റെ മനസ്സും എഴുത്തും...ശാലീന സുന്ദരവും..ലളിതവും..എന്നാല്‍ ടേസ്സ്റ്റൊ, ഒരിക്കലും മറക്കാത്തതും...പക്ഷെ എന്നാലും...
അപ്പളാ ഓര്‍ത്തെ, പൂന്തോട്ടത്തില്‍ പൂക്കള്‍ ഒക്കെ ഉണ്ടാവുമല്ലൊ...അപ്പൊ പോയി കുറച്ചു പൂ‍ പടം എടുത്തു..എന്നാലും വക്കാരിചേട്ടന്‍ ഒരു പൂന്തോട്ടം മൊത്തം കൊടുത്തിരിക്കുന സ്തിഥിക്കു(വക്കാരിചേട്ടന്‍ പൂ എന്നു പറഞ്ഞിട്ടു ഇല കാണിച്ചെങ്കിലും)...അപ്പൊ ഞാന്‍ എങ്ങിനെയാ ഈ സിമ്പിള്‍ രണ്ടു പൂ കൊടുക്കാ...അപ്പഴാണു...ഓര്‍ത്തേ, ഇന്നു അപ്പത്തിനുണ്ടാക്കിയ മുട്ടക്കറി...ഹൊ! ഇതല്ലാണ്ടു വിശാലേട്ടനു വേറെ എന്താ കൊടുക്കാ....സോറീട്ടൊ,നാലെണ്ണമേ ഉള്ളൂ...