ബംഗാളിലെ കലാവതിമാർ!

രാഹുകാലങ്ങളിലെ കലാവതിമാരെ പറ്റി വായിച്ചപ്പോഴാണ് കലാവതിമാർക്ക് യുറേനിയം കൊടുത്ത് വിശപ്പ് മാറ്റുമോ എന്ന് ചോദിക്കാൻ പോകുന്ന പ്രകാശ് കാ‍രാട്ടിനേയും കൂട്ടാളികളെക്കുറിച്ചും ഓർമ്മ വന്നത്. രാജ്യത്ത് ഭക്ഷണത്തിനു ഇത്രയധികം വിലക്കയറ്റമുള്ളപ്പോൾ ആണവകരാറെന്ന് പറയുന്നത് ബുഷിനു കൊടുത്ത വാക്ക് പാലിക്കാനല്ലേ എന്ന് മുതലക്കണ്ണീരൊഴുക്കി ചോദിക്കുന്ന ആളാണല്ലോ സഖാവ്.

ഇത് ഇങ്ങിനെ മുഷ്ടി ചുരുട്ടി നമ്മുടെ വെള്ളിതലമുടിക്കാരന്റെ സിൽബന്ധികൾ ചോദിച്ചോണ്ടിരുന്നപ്പോൾ ഒരു ആൾക്കൂട്ടം കമ്പും കൊള്ളിയുമായിട്ട് ഇരച്ച് വരുന്നു. കട്ടി വാക്കുകളും കട്ടിക്കണ്ണടയും ചുവന്ന ചട്ടയുള്ള കട്ടിപ്പുത്തകോം എടുത്തോണ്ട് സഖാക്കന്മാർ അന്തം വിട്ട് ഓടി എന്ന് പറഞ്ഞാൽ മതിയല്ലോ. സംഭവം നടന്നത് പശ്ചിമ ബംഗാളിൽ. അതെ അതെ, ചുവപ്പിന്റെ സ്വന്തം നാട്. ആവശ്യത്തിനു സമത്വം, വിദ്യാഭ്യാസം, ഭക്ഷണം എന്നിങ്ങനെ മാവേലി ജനിക്കണ്ട പോലത്തെ ബെസ്റ്റ് രാജ്യമെന്ന് നമ്മളെ കുറേ നാളായി പറ്റിച്ചോണ്ട് ദേശാഭിമാനിക്കാർ അഭിമാനിക്കാറുള്ള നല്ല എ ക്ലാസ്സ് നാട്.

വില്ലൻ അത് തന്നെ, കാലാ‍കാലങ്ങളോളം മനുഷ്യനേയും സർക്കാരിനേയും ഇട്ട് വട്ടം കറക്കുന്ന വിശപ്പ്.

ബംഗാളിൽ ഏറ്റവും ലാഭകരമായ ബിസിനസ്സ് റേഷൻ കടയാണ് (ആളെ പറ്റിക്കലാണ് ആദ്യം, അത് പക്ഷെ പോളിറ്റ് ബ്യൂറോയ്ക്ക് മാത്രം പേറ്റന്റ്).

ആദ്യം ഒരു റേഷൻ കടയ്ക്ക് ലൈസൻസ് അപ്പ്ലൈ ചെയ്യുക, അതോടൊപ്പം കമ്മ്യൂണിസ്റ്റ് പാർട്ടിയിലും ഒരു മെമ്പർഷിപ്പ് അപ്പ്ലൈ ചെയ്യുക. പിന്നെ കാര്യങ്ങൾ എളുപ്പമായി. പൂഴ്ത്തി വെപ്പ്, റേഷൻ സാധനങ്ങൾ മറ്റു സ്ഥലങ്ങളിൽ നല്ല വിലക്ക് വിൽക്കുക, ഇങ്ങിനെ പാർട്ടിയും സർക്കാരും അറിഞ്ഞോണ്ട് തിരിമറി. ആരു ചോദിക്കാൻ? പാ‍ർട്ടി കാർഡുള്ള ഒരുത്തനോടെങ്കിലും ചോദിക്കാൻ ജനങ്ങൾ മുതിരുമോ?

എന്നിട്ടെന്താ, മൂന്നാലഞ്ച് വർഷമായി വിശന്ന് സഹികെട്ട് 2007 നവം‌ബറിൽ ആളുകൾ റേഷൻ കടക്കാർക്കെതിരെ തിരിഞ്ഞു. മൂന്നാലഞ്ച് വർഷമായി വിശന്നിരിക്കണമെങ്കിൽ നല്ല്ല കപ്പാസിറ്റി വേണം. ഇതു വല്ലതും കേരളം ആയിരുന്നിരിക്കണം. ഒരു നേരം വിശന്നിരിന്നാൽ അല്ല, വൈകുന്നേരത്തെ ചായ കിട്ടിയില്ലെങ്കിൽ അഞ്ച് ദിവസം കടയടപ്പിച്ചേനെ. പക്ഷെ ഇത് ബംഗാളല്ലേ, ഒരുമാതിരിപ്പെട്ട വിശപ്പൊക്കെ സഹിക്കാൻ മുപ്പത് വർഷമായി അവർ ശീലിച്ചോണ്ടിരിക്കല്ല്ലേ. എന്നിട്ടെന്താ ബുർദ്വാൻ, ബാങ്കുര, ബിർഭും എന്നീ ഗ്രാമങ്ങളിൽ തുടങ്ങിയ വിശപ്പിന്റെ കലാപം താമസിയാതെ പത്തോ പതിനഞ്ചോ ജില്ലകളിലേക്കും വ്യാപിച്ചു. ബുർദ്വാൻ, മോഡൽ ഭരണം എന്ന് ഉയർത്തിക്കാട്ടപ്പെടുന്ന സ്ഥലമാണെന്ന് ഓർക്കണം.

പോലീസ് ഉടനേ തന്നെ വന്നു കേട്ടോ, റേഷൻ കടക്കാരെ സംരക്ഷിക്കാൻ, മറ്റേ നന്ദിഗ്രാം പോലെ. പാർട്ടിക്കാരെ സംരക്ഷിക്കാൻ അല്ലെങ്കിൽ എന്തിനു ബാംഗാളിലൊരു പോലീ‍സ്? പോലീസ് വെടിവെപ്പിൽ മൂ‍ന്ന് ഗ്രാമവാസികൾ കൊല്ലപ്പെട്ടു, മൂന്നൂറോളം പേർക്ക് പരിക്കും. നോക്കണേ ഈ ഗ്രാമവാസികളുടെ ഒരു അഹങ്കാരം. വിശക്കുമ്പോൾ സർക്കാരിനെതിരെ കലാപക്കൊടി ഉയർത്തുന്നു. അതും ആണവകരാറിനെതിരെ ജനങ്ങൾ സംഘടിക്കണമെന്ന് പ്രസംഗിച്ചുകൊണ്ടിരുന്നപ്പോഴാണ് ഇത് സംഭവിക്കുന്നതെന്ന് ഓർക്കണം.

That morning few CPI(M) leaders were lecturing the villagers on the dangers of the Indo-US nuclear agreement. They were shouted down and asked to provide foodgrains by the villagers. When CPI(M) leaders tried to shoo them away the angry villagers beat CPI-M leaders and burnt their flags. The police opened fire to quell the mob.

ഈ ബുദ്ധിജീവികളല്ലാത്ത ജനങ്ങളുടെയൊക്കെ ഒരു രാ‍ഷ്ട്രീയ ബോധം! ഇടതുപക്ഷമെന്നാൽ സിപി‌‌എം എന്നും, രാഷ്ട്രീയമെന്നാൽ LDF/UDF എന്നും , ഇടതുപക്ഷമെതിർക്കുന്നത് അമേരിക്ക എന്ന രാജ്യത്തെയാ‍ണെന്നും, ഇടതുപക്ഷത്തെ എതിർക്കുന്നത് ഒരു സന്ദേശം സിനിമയാണെന്നും ഒക്കെ തെറ്റായി ധരിച്ചു വശായിരിക്കുന്ന ഈ ജനങ്ങൾ! ശ്ശെ!

ഇതിനെപ്പറ്റി ടെലിഗ്രാഫ് റിപ്പോർട്ട് (നിവൃത്തികേട് കൊണ്ടാവും ഒരു ചെറിയ റിപ്പോർട്ട്) ചെയ്തത് ഒന്ന് വായിക്കണം.

റേഷൻ കടകൾ കത്തിയെരിയുന്നു.

Ration shops are burning all over West Bengal. They are being attacked, looted and put on fire by groups of angry, disgruntled citizens, who seem to have decided that they have had enough. The upsurge has already exacted its toll and a few lives have been lost. Some have died in police firing. Others, comprising fair-price shopowners, who were unable to bear the fines and humiliation inflicted upon them by people's courts, have committed suicide.
...
But however political the riots might look on the surface, it is impossible to deny that without extreme economic hardship the people of rural Bengal, who have shown a traditionally high level of endurance, would not have resorted to such extreme measures.

അതിനു സിപി‌‌എം പറഞ്ഞത് കണ്ടോ:

ഏയ് എന്ത് ഫുഡ് റയറ്റ്? എപ്പോ?

The Communist Party of India (Marxist) on Tuesday said there were no food riots in West Bengal as alleged by the Congress. It said the Congress spokesperson's statement on the issue was "intemperate as it is ill-informed."

അതെ അതെ, ബംഗാളിലെ ഇനിയും വെളിച്ചവും വെള്ളവും എത്താത്ത ഗ്രാമങ്ങളിലെ ജനങ്ങൾ ഭക്ഷണം വയറു നിറച്ച് കിട്ടി ഒന്ന് മുറുക്കാന്ന് കരുതിയിരിക്കുമ്പോഴാണ് ഇങ്ങിനെയുള്ള പൊള്ളയായ പ്രതിപക്ഷ ആരോപണങ്ങൾ. ചെ! ചെ! ഈ പത്രക്കാരെ ബാൻ ചെയ്യാൻ ഈ നാട്ടിൽ ദേശാഭിമാനികളില്ലേ? ഇതിൽ അമേരിക്കയുടെ കൈകളുണ്ടെന്നും സംശയിക്കേണ്ടിയിരിക്കുന്നു.

ഇതിനു ശേഷം സുപ്രീം കോർട്ട് നിർദ്ദേശിച്ച പാനലിലുള്ളവർ സമർപ്പിച്ച റിപ്പോർട്ട് പ്രകാരം,

The recent food riots in West Bengal were the result of a corrupt and privatized public distribution system running with political patronage of the Left parties, a survey conducted by SC-appointed special commissioners on food security said
The report also blamed political patronage extended to the unionised ration dealers for corruption in the PDS supply chain.

"It is evident to us that they (FPS owners) enjoyed state patronage, especially political patronage at both local level and with the senior political leadership within the state. The All India Ration Dealers Association, which is the apex body of ration shop owners, has as its chief advisor a senior national leader of the ruling political party of West Bengal," the report said.

എന്നാലും ഞാനിതൊക്കെ വിശ്വസിക്കുന്ന പ്രശ്നമില്ല. ഇതൊക്കെ അങ്ങ് കേന്ദ്രത്തിൽ കോൺ‌‌ഗ്രസ്സ് ഭരിക്കുന്നതിന്റെ പ്രശ്നങ്ങളല്ലേ? എന്തിനു ബംഗാളിൽ 10-15% പാവങ്ങൾക്ക് മാത്രമേ ഭക്ഷണം കിട്ടുന്നുള്ളൂയെന്ന റിപ്പോർട്ടും നമുക്ക് വിശ്വസിക്കണ്ട. സ്ഥലം ബംഗാൾ അല്ലേ, അവിടെ പാവങ്ങളുണ്ടെന്ന് തന്നെ വിശ്വസിക്കാൻ പ്രയാസം. മുപ്പതു വർഷമായി ഇടതന്മാർ ഭരിക്കുന്ന നാട്ടിൽ പട്ടിണിയോ? ഏയ്!

Earlier this year, a government inquiry showed how most of the rural poor in five states, West Bengal, Bihar and Jharkhand in the east, Assam in the northeast and the northern state of Uttar Pradesh, were not getting regular rations.

The survey showed how only 10-15 percent of the poorest were getting some supplies in remote villages of West Bengal, a state of 80 million people.

എന്തായാലും കമ്മ്യൂണിസ്റ്റ് ഭരണകൂടങ്ങൾ മിനിമം ഒന്നുമില്ലെങ്കിലും പട്ടിണി മാറ്റിക്കളയും എന്ന് പറഞ്ഞ് ചെന്നാൽ നല്ല ബംഗാൾ അടി കിട്ടും, ഉറപ്പ്. മുൻപ് കോൾഡ് വാറിന്റെ സമയത്ത് കമ്മ്യൂണിസ്റ്റ് റഷ്യയിൽ ഇതുപോലെ ഭക്ഷണത്തിനു വേണ്ടി കലാപങ്ങളുണ്ടായതായി വായിച്ചിട്ടുണ്ട്. അവിടെ കമ്മ്യൂണിസം തീർന്നു. ബംഗാളിലെ ജനങ്ങൾ ശബ്ദിച്ചു തുടങ്ങിയിട്ടുണ്ട്. അവർക്ക് ശബ്ദിക്കാനുള്ള ഭയമെങ്കിലും മാറി വരുന്നുണ്ട്. അത്രയെങ്കിലും നല്ലത്.