വിശുദ്ധ അഭയ

നവം‌ബർ 19 2008

ദൈവിക ദിനപത്രം വത്തിക്കാൻ റിപ്പോർട്ടർ ദില്ലിയിൽ നിന്നു റിപ്പോർട്ട് ചെയ്യുന്നത്.

ഇന്ത്യക്കാർക്കും പ്രത്യേകിച്ച് കേരളീയർക്കും അത്യാഹ്ലാദത്തിനു മറ്റൊരവസരം ഒരുക്കിക്കൊണ്ട് കേരളത്തിന്റെ സ്വന്തം പുത്രിയെ വിശുദ്ധയായി പ്രഖ്യാപിക്കാൻ വത്തിക്കാ‍ൻ ഒരുങ്ങുന്നു. ഇതിനു മുൻപ് വിശുദ്ധയായി പ്രഖ്യാപിച്ച അൽ‌ഫോൻസാമ്മയുടെ വിശുദ്ധ പട്ടം പുന:പരിശോധിക്കുമെന്നും എന്നാൽ സിസ്റ്റർ അഭയയെ യാതൊരു വിധ കാനൺ നിയമനൂലാമാലകൾക്കും വിധേയമാക്കാതെ ത്വരിത വേഗത്തിൽ വിശുദ്ധി പദവിയിലേക്ക് ആനയിക്കുമെന്നും വത്തിക്കാൻ വെളിപ്പെടുത്തുന്നു.

വെറും പതിനാറ് വർഷങ്ങൾ കൊണ്ട് മൂന്ന് പേർക്ക് (തോമസ് എം കോട്ടൂര്‍, ജോസ് പുതൃക്ക, കന്യാസ്ത്രീ സെഫി) തീരെ പ്രതീക്ഷിക്കാത്ത വിധത്തിൽ, എന്തിനു സിസ്റ്റർ അഭയുടെ കുഴിമാടത്തിൽ പോയി ഒരു ചെറിയ നോവേനയോ മെഴുകുതിരിയോ പോലും നേരാതിരിന്നിട്ടും സിസ്റ്റർ അഭയ അവരെത്തേടി അവർക്ക് നേരിട്ട് അത്ഭുതങ്ങൾ വർഷിക്കാൻ എത്തുകയായിരുന്നു. ഈ സന്തോഷത്തിൽ ഇവർ മൂന്നു പേരുടേയും അത്യാഹ്ലാദം നിയന്ത്രിക്കേണ്ടി വന്ന അധികാരികൾക്ക് ഇവരുടെ കൈകളിൽ വിലങ്ങ് വേക്കേണ്ടതായും വന്നുവെന്ന സ്ഥിരീകരിക്കാ‍ത്ത റിപ്പോർട്ടുകളുണ്ട്. ഇവരുടെ വളയപ്പെട്ട കൈകൾ നിവർത്തിക്കിട്ടുവാൻ വിശുദ്ധ അൽ‌ഫോൻസാമ്മയ്ക്ക് നൊവേന ചൊല്ലാമെന്നതും കേരളത്തിന്റെ അദ്വൈതീയ വിശുദ്ധരുടെ ചരിത്രത്തിൽ ആദ്യമായാണ്.

സിസ്റ്റർ അഭയ താമസിച്ചിരുന്ന കോൺ‌വെന്റിന്റെ കിണറിലേക്ക് സ്വർഗ്ഗാരോഹണം ചെയ്യപ്പെടുകയാണുണ്ടായിരുന്നതെന്നും അതിനു മുൻപ് ദിവ്യബീജം വഹിച്ചിരുന്നതായും വത്തിക്കാൻ മാർ-ഡോക്ട്രേർസ് പാനൽ നീ‍ണ്ട് നിന്ന ചർച്ചകൾക്കും സൈന്റിഫിക്ക് എവിഡൻസിനും ഒടുവിൽ സ്ഥിരീകരിച്ചു. വളരെയധികം പിടിപാടുള്ള ആളുകൾ എന്തിനു നരസിംഹറാവു മുതലായ അക്രൈസ്തവ/അവിശ്വാസികളായ ഗവണ്മെന്റുകൾ വരെ ഈ അത്ഭുതങ്ങൾ തടയുവാൻ പരിശ്രമിച്ചിരുന്നുവെന്നും, ആ കടമ്പകളെല്ലാം വത്തിക്കാൻ വിശുദ്ധപുല്ലു പോലെ മറികടക്കുകയും ക്രിസ്തീയ വിശ്വാസത്തെ വിശ്വാസികളുടെ ഇടയിൽ ഊട്ടിയുറപ്പിക്കുകയും ചെയ്തു എന്നത് പ്രത്യേക പരാമർശം അർഹിക്കുന്നു.

"മാർപ്പാപ്പ അല്പം റെസ്റ്റ് എടുക്കണ്ടേ? ഇങ്ങിനെ ഇടക്കിടക്ക് വിശുദ്ധരെ പ്രഖ്യാപിച്ചാൽ മതിയോ? അതിൽ എന്തോ ദുരൂഹതയില്ലേ?" എന്നു മാത്രമാണ് വളരെയധികം സം‌യമനത്തോടേ കേരള കത്തോലിക്കാ സഭ ഈ പ്രഖ്യാപനത്തിൽ അഭിപ്രായം പ്രകടിപ്പിച്ചത്. തങ്ങളുടെ വിശുദ്ധ മാഫിയാ വിഭാഗത്തെ ഇന്ത്യൻ നിയമവ്യവസ്ഥ അംഗീകരിക്കാത്തതിൽ അവർ അതിയായ ഖേദം പ്രകടിപ്പിക്കുകയും ചെയ്തു.

പയസ് കോൺ‌വെന്റിൽ ഇനിയും എത്ര സ്വർഗ്ഗാരോഹണങ്ങൾ നടന്നിട്ടുണ്ടെന്നു അന്വേഷിക്കണമെന്നും പ്രസ്തുത കിണറിനെ വിശുദ്ധ ഹെറിറ്റേജ് സൈറ്റായി മാറ്റുവാൻ ഇന്ത്യൻ നിയമപീഠം ഉത്തരവിടുമോ എന്നു ഭയമുണ്ടെന്നും അങ്ങിനെ വന്നാൽ ഈ വിശുദ്ധ രഹസ്യങ്ങൾ സാധാരണക്കാരായ അൽ‌മായർക്കോ ക്രൈസ്തവവിശ്വാസത്തിൽ പങ്കാളികളാവർത്തക്കോ ലഭ്യമാക്കാതിരിക്കാനാണ് പെട്ടെന്ന് മൂന്നു അത്ഭുതങ്ങൾ നടന്നതെന്ന വത്തിക്കാന്റെ വിശദീകരണം വന്നതെന്ന് കേരള കത്തോലിക്കാ നിരീശ്വരവാദി അസോസിയേഷൻ പ്രസിഡന്റ് ആരോപിച്ചു.

വത്തിക്കാൻ പുറത്തുവിട്ട വിശുദ്ധ അഭയോടുള്ള നൊവേന.

വിശുദ്ധ അഭയയോടുള്ള നൊവേന

എത്രയും നല്ലവളായ വിശുദ്ധ അഭയേ, നിന്റെ നാമം കോടതി മുറികളിൽ വാഴ്ത്തപ്പെടട്ടേ. കോൺ‌വെന്റുകളിൽ ചെന്നു ചേരുന്ന എട്ടും പൊട്ടും തിരിയാത്ത യുവതികൾക്ക് വേണ്ടി സൃഷ്ടിക്കപ്പെടുന്ന കിണറുകളിൽ നിന്നും പതിനാറു വർഷങ്ങൾ കാത്തിരിക്കാതെ നീതി ലഭിക്കുവാൻ വേണ്ടി ദൈവത്തിനോട് പ്രാത്ഥിക്കണമേ. നീതിമാനായ ദൈവമേ, നന്ദകുമാർ നായർമാരെ കേരളത്തിന്റെ എല്ലാ ജില്ലയിലും പത്ത് വീതം സൃഷ്ടിക്കണമേ എന്നും ഞങ്ങൾ താഴ്മയോടെ അപേക്ഷിക്കുന്നു.

1. സ്വർഗ്ഗ. 10 നന്മ. ആമ്മേൻ.